MINI-FØREDRAG: Historia til gras på ein halv time. Med Siri Helle

Graset er overalt, iallfall på Jæren. Det er ein av dei viktigaste vekstane me har... men kva veit me om det, dei av oss som korkje er bonde eller drøvtyggjar?
‍

Forfattar Siri Helle veit ein heil del. Mellom anna at me kan takka graset for nesten halvparten av maten vår, frå kveite til mjølk og kjøt. Men òg at graset er truga av oss og klimaendringane me har sett i sving. I fjor kom Helle med ut med «Grasboka». Ho dreg graset sin livsviktige historie på ein halv time: om korleis graset formar planeten vår, korleis menneske lever med det og kvifor vi aldri kan klare oss utan kvarandre.

‍