Demo i villmarksteikning med Adrien Brun

Bli med inn i praksisen til villmarkskunstnaren Adrien Brun.

På denne demoen vil Adrien Brun syna fram teknikkar i handverket sitt villmarksteikning. Adrien Brun er biolog, utdanna økolog, og med spesialisering i bevaring av fuglar og fuglehabitat.

I fleire år har Brun praktisert fugleteikning, og observert fuglar der dei til vanleg oppheld seg. Brun jobbar året rundt i både pluss og minusgrader, og praksisen hans går ut på å kome så tett på leveområda til den ville naturen som mogleg, utan å forstyrre dei som bur der. Her ute tek han fram blyant, pensel, fargepalett og papir, og teiknar og måler det han ser. Gjennom denne praksisen er målet hans å forstå, læra og bli ein del av.

Som kunstnar er Brun spesielt oppteken av skilnaden på å «å sjå» og «å observere». Brun arbeider i skjeringspunktet mellom kunnskap, kunst og filosofi, og på demoen vil han fortelje meir om dette, i tillegg til å demonstrere korleis han teiknar og målar. Det vil vere mogleg å stilla spørsmål undervegs. 

Adrien Brun er fødd og oppvaksen i Frankrike. Ved sida av å vere villmarkskunstnar, arbeider han som guide.

Varigheit er ca 90 minutt